長江基建2021年中期業績：經營狀況、外部環境、未來發展及派息 長建在2021年8月4日發佈了中期業績，簡單撮要如下： 集團錄得股東應佔溢利港幣三十億一千一百萬元，按年增長百分之五。 來自營運的現金流為港幣四十三億六千萬元 集團持有現金港幣八十一億元  派發二零二一年度中期股息每股港幣六角九分 （二零二零年：每股港幣六角八分） 因英國企業稅率改變而產生之遞延稅項支出及攤佔無形資產遞延稅負債相關的稅項抵減之淨額港幣十八億一千三百萬元（二零二零年：港幣十三億九千四百萬元）。 (Source: 長江基建2021年中期業績 ) 2021年中期業績 整體而言，2021年中期業績的表現比我想像中差，只比2020年增長5%，主要因為英國稅率提高，又有一筆過延遞稅開支。另外，中期息竟然有增加，派$0.69，估計是因為希望安撫投資者及2021年是長江成立25週年的緣故。下文會和大家就幾方面討論長建經營環境。 各國經營溢利 (Source: 長江基建投資者簡報 2021 , 2019) 上圖簡要列出長建各國經營溢利，由未受疫情影響2018-19年到受疫情影響2020-21年。大部分國家的業務與疫情前相比仍然有一定距離。實際上業務並沒有太差，甚至有驚喜。英國方面下文會再討論。而澳州業務的溢利其實已與疫情前無異，溢利低更大原因是新規管期開始，准許回報率降低所引致。歐洲大陸業務同樣已與疫情前差不多，溢利低是因為2020年賣掉了葡萄牙風電場業務。 至於加拿大業務則有驚喜，溢利比疫情前更高，相信是由Reliance Home內部增長所引致。另外停車場業務尚未完全恢復，相信下半年加拿大業務會有更好表現。新西蘭同樣超過了疫情前的溢利，原因不明sosad。香港中國業務沒太大特別，不作細談。 英國經營環境 英國業務主要受加企業稅(19%>25%)影響， 我先前已有文章分享過 。因此產生非現金延遞稅負債，其實在2020年已經面對過，2020年的非現金延遞稅負債為13.94億，而今年是18.13億。如將此非現金負債加上1H2021的英國業務溢利則約為23億。而由於Northumbrian water已踏入新規管期，準許回報率大幅下趺，業務奇差( 可參閱此文章 )。因此，可預期英國業務不會再回到2018,19年的水平。 另一隱憂是UK Power Network的新規管期在今年和明...

 長建UK power network及Northumbrian water 2020-2021年營運表現 前幾天，英國各企業都開始發佈2020-2021年的營運表現，長建旗下2大英國公用事業公司亦不例外。由於英國的財政年度是由4月1日至下一年的3月31日，因此這份年報除了反映出2020年疫情的影響外，亦反映出2021年第一季的營運表現。 先概括總結UK power network及Northumbrian water的表現，UK power network業務穩健，不受疫情影響，惟2022年又會有一大筆延遞稅支出，令人擔憂。Northumbrian water表現令人失望，2020-2021的營運出現虧蝕。 UK Power Network (Source:  March 2021 Annual Report and Financial Statements ,  March 2020 Annual Report and Financial Statements ) 營運表現 上圖為2019-2021年UK Power Network的營運表現，即使在疫情期間，營收也一直都有增加，而最影響溢利的因素是財務支出及稅項。由於2020年長建已公佈英國的企業稅沒有如預期般調低，而是維持在19%，因此各英國企業也產生了一筆延遞稅開支，而UK Power Network的延遞稅開支為4650萬磅。這筆巨款具體體驗在2020年的稅項項目。而於2021年財務開支大增，影響了營運表現。整體而言，營運十分穩健，若撇除2020一次性延遞稅開支，其盈利狀況基本上不受疫情影響。 展望負面 UK Power Network未來受2大因素影響，令其利潤下降。第一、由於疫情期間英國政府的財政狀況受到嚴重打擊，因此英國已於2021年5月24日通過自2023年4月1日開始將企業稅由19%調升至25%，這決定基本上影響了所有在英國有業務的企業。UK Power Network亦在年報指出，於2022年將會有近1億5千萬磅的遞延所得稅負債，相信下年長建的業績又會大倒退，除非鉅仔有新財技去降低這個影響。 (Source:  March 2021 Annual Report and Financial Statements ) 第二個因素是關於監管方...

什麼是降準? 降準反映什麼現象? 降準對市場有什麼影響? 近日，中國人民銀行宣佈於2021年7月15日全面降準0.5%，這篇文章和大家分享一下什麼是降準? 降準反映什麼現象? 降準對市場有什麼影響? (Source: 中國人民銀行 ) 什麼是降準 降準即下調銀行的存款準備金率。簡單而言，銀行接受客人的存款，付給客戶利息。而接受存款是不能產生利潤的，因此銀行會用客人的存款去投資或貸款去產生利潤，只要賺取的利潤比付給客戶的利息多，銀行就能賺取息差。但銀行也不能把全部存款都拿去投資或貸款，因為假如把全部存款都拿去投資或貸款，當客戶要提款時，銀行就沒錢了，會造成擠提。因此銀行要保留部分現金作為存款準備金。一般而言，存款準備金比率是由各國中央銀行制定的，比率各國也不同，基於實體經濟情況而制定。 如果大家有留意歷次降準的新聞，會發現有全面降準和定向降準。全面降準是指下調所有金融機構的存款準備金率，因此全面降準會釋多較多資金到市場。定向降準是指只下調中、小型金融機構的存款準備金，相對上向市場釋放較小資金。 降準反映了什麼現象 最直接反映出的現象是實體經濟疲弱，因為居民消費下跌，商戶經營困難，加上市埸上可供貸款資金不足，商戶借貸成本上升等因素。因此下調銀行存款準備金率可以為市場釋放大量資金，以支持商家的經營。據 報導 指出本次下調存款準備金率能為市埸釋放出1萬億人民幣。 在銀行的角度而言，突然多了1萬億資金可用作貸款或投資，資金供應多了，利息就會降低，因為各銀行對營業額也會有「跑數」的要求。多出的資金放在銀行是不會產生利潤的，因此各間銀行也爭相希望把錢借出去，而為了借出更多的資金，利息便有必要相應降低。商戶則有機會可以借平錢，以繼續經營或作其他投資。 亦有另一派說法認為降準不代表實體經濟疲弱，反而是經濟復甦，降準可以令經濟加速成長。如果用來解釋這次降準，我不知道答案。但我認為未能解釋之前的降準。下圖為歷年存款準備金的變化。 (Source:  中國人民銀行 ) 如果說降準是希望加速經濟增長，為何自2011年起存款準備金一直都在下降? 因為經濟增長加快了，理應會上調存款準備金以防經濟過熱，但自2011年起存款準備金卻一直下降，是否代表有問題呢? 另外，許多人誤解了降準等於「印銀紙」，其他貨幣供應並沒有因為降準而增加，因為銀行所借出的資金依然是客人的存款，並沒有增...

 HKTV 香港電視的投資價值、業務及前景 呢篇文章想同大家分享下HKTV 既投資價值、業務及前景，最近相信大家都已經登記左消費券，相信呢類本地消費股應該都有得炒下。先利申，本人為左支持wiki，持有小量1137,，均價4.3左右。 自從2020年成功轉虧為盈後，呢隻股已經踏入穩定期，根據今年上半年的訂單數字同每月訂單總商品交易額睇得出HKTV 的網購業務已經去到樽頸位，咁長遠而言重值唔值得投資呢？下文會同大家分析一下HKTV 的網購業務同新的增長點。 HKTV 網購業務 HKTV最大的業務就是HKTVmall網購平台，2020年開始一受受惠於疫情，使用人數爆升，加上從政府「保就業」計劃領取接近7100萬補助，成功轉虧為盈。 HKTVmall的網購業務主要由2種形式組成，第一種係直接商品銷售，即直接由HKTVmall提供商品，主要為糧油雜貨，因此有存貨成本。第二種是特許銷售，即邀請商家加盟開店，在HKTVmall平台上銷售商品。呢2種的銷售額相加就等於全年商品總銷售額。在2020年，2種銷售方法的毛利率都有所上升，令到HKTVmall成功轉虧為盈。 (Source: 香港電視2020年年報 ) 但係到左2021年，出現了一個問題，HKTVmall的業務有步入樽頸的跡象，下圖為2020及2021年的每月訂單數及商品銷售額。 (Source: 整理自 HKTV官網 ) 可以睇到，自2020年的爆發式增長後，2021年開始已經沒有明顯增長，甚至有輕微下趺，主因是疫情影響漸漸消失，商店重開，加上其他競爭者加大投入如HKBN的HOME+，天貓香港及Foodpanda生活百貨等。當然，王維基唔會坐以待斃，推出左2招還擊，第一招外賣仔，踩入foodpanda地盤，先提供外賣自取服務，再推出外賣直送。呢招好明顯作用不大，我問過身邊所有朋友，都沒有人使用過HKTVmall叫外賣，而且參與的餐廳數量小，與foodpanda的方便程度完全不能比較。 於是王維基出第2招，喺5月12日推出 HKTVmall極速送 與第三方智慧物流公司 Zeek 合作，在HKTVmall商店購物後1小時送到消費者手上。」購物滿$200 或以上的運費為$10，訂購 金額少於$200 運費則為$20，每張訂單的最低消費額為$50。完全係睇住foodpande生活百貨黎打，但係極...

一波未平一波又起，VIE架構一直未獲中國官方正式准許？ 據 彭博報導 ，VIE架構赴港美掛牌，須中證監批准，這一消息令到港股及中概股無水花直插。究竟什麼是VIE架構？為什麼這消息會令到港股及中概股大跌？ 什麼是VIE架構？ VIE全名是Variable Interest Entity，即可變利益實體，又稱「協議控制」，是指公司在境外上市，但業務卻在境內營運，公司透過協議方式控制境內業務實體。VIE的出現是因為中國一直禁止外國對某些產業的直接投資，而VIE就可以在不違反中國法規下，令到外資可以分享中國業務的盈利。基本上在香港稜美國上市的中概股都屬於VIE架構。 為什麼港股及中概股大跌？ 彭博引消息人士指出，所有VIE企業去美國等境外地區上市前，需要獲得中證監的批准。如消息屬實，未來中概股要到美國上市會變得更困難。有人會問，不能去美國上市，豈不是行好香港？錯，不單只美國，來香港上市也需要先得到批准。 第二個原因是因為消息指外地上市的中國公司一直使用的VIE架構並未獲中國官方正式准許，這才是最震撼的消息。原來一直在美國及香港上市的中國公司並不合法規，官方不承認。那現在的中概公司是不是要退市再跟中證監重新申請呢？如消息屬實，一定會再有一輪暴跌，如不屬實希望晚上中證監會有澄清。

今日同大家講下iBond，相信好多人都已經抽到iBond，根據 報導 今次iBond 2021有71.1萬人抽，發行總額200億，每人最多得3手。iBond作為政府的另類派錢政策，作為no stake既小市民一定要抽啦。想了解一下iBond及我的分析可以閱讀全文。想知道我會幾錢賣，可以直接看最後的結論。 (Source: 零售債券發行計劃 - 計劃通函2021 ) 抽到之後最多人煩惱的便是應該以什麼價錢出售及什麼時候出售 iBond回報？ 要了解此問題，首先要知道iBond的投資價值，iBond又叫通脹掛釣債券，每手iBond要1萬元，而所得到的回報是派息，這批iBond的票面息率按2個因素計算 (1) 定息，即2.00%。 (2) 浮息，即在利息釐定日，按照綜合消費物價指數最近6個月按年變動率的算術平均值。 即保底息率有2% 如果綜合消費物價指數最近6個月按年變動率 高 於2% → 息率以高於2%的數值計算。 如果綜合消費物價指數最近6個月按年變動率 低 於2% → 息率只有定息2%。 換句話講1手iBond放到到期(即3年)，最小會有600元回報。 iBond幾錢賣？ 即然知道左回報之後，咁就要計算一下幾錢賣。上文已經講過每手iBond持有3年最小可得到600元。如果你認購的只是閒錢，我建議不如放3年，因為息率總比放在銀行高。如果你認為你有能力3年內每年都獲得高於2%的投資回報，我建議價錢合理就賣掉，拿去做其他投資。 合理價錢？ 至於合理價錢是多少，可以參考一下以往的經驗。一般黎講第一日的價錢都會比較低，因為有大量人會透過券商孖展抽，首日交易就會不問價賣出，免卻借孖展的利息，換句話說，其實第一日同樣是買入的機會。以iBond 2020為例，第一日收盤價錢是102.75，而3日後的價錢已經升至104.35，1手買賣已可以賺取160元。可能有人會覺得太少，但這操作絕對是穩賺不賠的。在第一次派息前，iBond 2020的價格最高為104.95，5月3日為首個息率釐定日，因此5月3日後價格會下趺，需要扣除已派利息的價格，即1元。 iBond 2020 息率釐定日 (Source:  香港金融管理局 ) iBond 2020 價格走勢 至於 iBond 2021 ，我認為首次派息前的價格有機會較iBond 2020更高。上文已經提及，iBond...

港股收息首選 - 置富產業信託(778) 相信好多人都認為港有波幅冇升幅，近年都轉去炒美股。這篇文章跟大家分享一下我認為的港股收息收選，比較適合長線投資及著重現金流的投資者。首先想由幾年前在網絡上看到的一張圖說起，這圖的真確性我也無從稽考，但我認為相當有意思。 究竟是我們欠缺耐性，還是本金不夠大呢？於是我便開始了月供股票，已經持續了2年半，每月$9,000，只供長江基建一隻股票，由$6X供到$3X，現價大約$48，今年收到的股息將會有大概$13,000。我也不知道自己的決定是不是正確，或者時間會證明。 廢話講完，入返正題。這篇文章是介紹同為長和系成員的置富產業信託(778)。首先，房地產信託基金(RITES)在港股上市要遵守幾個條件。 1. 須專注投資於可帶來定期租金收入的房地產項目（即房託基金對該等項目的投資，在任何時候都須佔基金資產總值至少75%）。換言之，基金較大部分收入須來自房地產項目的租金收入； 2. 不得積極地買賣房地產項目（即除 非得到單位持有人的批准，否則房託基金在收購或發展某個物業後，必須持有該物業至少兩年）； 3. 須把基金絕大部分收入（即不少於其經審計年度除稅後淨收入 的 90%）分派給單位持有人作為定期股息； 4. 須遵從最高借款限制（即不超過資產總值的 50%） 。 詳情可以在以下網址查看： 房地產信託基金守則 - 證監會 因此投資REITs一般都會有穩定的股息分派，香港上市的REITs比較大型的有領展(823)、置富(778)、冠軍展業信託(2778)、陽光房地產基金(435)以及越秀房產信託基金(405)。眾多選擇中我的首選一定是置富產業信託(778)。以下會講解一下原因 疫情下業務穩定 下圖是置富的物業投資組合，全部都是零售物業，而且均位於大型屋苑範圍，有一定人流。 (Source: 置富年報 2020 ) 根據置富管理層的說法，由於置富主要投資民生商場所以物業租金收入影響不大。我整理了置富3個旗艦商場2018-20年的營運數據去檢驗一下。 (Source: 置富年報 2018 , 2019 , 2020 ) 顯而易見，即使受到疫情影響，這3個旗艦商場仍然保持相當高的出租率，長和零售四寶(即百佳、屈臣氏，豐澤及3HK)相信對此有一定貢獻。縱然出租率相約，但租金收入卻有所下趺，換言之置富對商戶有一定的租金舒緩措施，...

Realty Income合併VEREIT的詳情及重點 Realty Income於4月29日宣佈與VEREIT達成最終合併協議，以換股方式與VEREIT合併成一間市值達500億美元的企業。根據該協議的條款，VEREIT股東每持有1股VEREIT股票，將獲得0.705股Realty Income股票。 詳情可看此報導。 合併焦點: 1. VEREIT股東每持有1股VEREIT股票，將獲得0.705股Realty Income股票 *即於合併前VEREIT的股價將會等於Realty Icome股價 x 0.705 2. 合併完成後將會分拆出所有辦公室物業成立一間REIT (SpinCo) 3. Realty Income及VEREIT前股東將分別擁有Realty Income及SpinCo 70%及30%的股權 4. 合併後一年會為Realty Income的每股調整後運營資金(AFFO)提高10%。相對於Realty Income的2021年每股AFFO指導價格的中間值$ 3.465，預計將為股東增加10％以上的收益。 合併完成後各公司的預計收入: Realty Income Realty Income的股東將擁有約10,300個主要為單一租戶淨租賃商業房地產的全球投資組合，位於美國50個州，波多黎各和英國。 投資組合的年化租金總額預計約為25億美元 預計分別按零售，工業和其他物業類型分別產生約83％，14％和3％的年度租金總額 預計最大的10個客戶是Walgreens (5%), Dollar General (4%), Dollar Tree/Family Dollar (4%), FedEx (3%), 7-Eleven (3%), LA Fitness, (3%), Walmart/Sam's Club (2%), CVS Pharmacy (2%), Sainsbury's (2%) and BJ's Wholesale Clubs (2%) 獲得30億美元的無抵押循環信貸額度和10億美元的商業票據計劃的支持 "SpinCo" 計劃中的分拆完成後，兩家公司的股東均應根據慣例在獨立的公開交易的房地產投資信託中獲得股票分配。預計最初業務是由97家辦公室組成自的投資組合。 投資組合的年化租金總額預計約...

2020年財報簡評 2020年對長建股東嚟講可以話係超級差嘅一年，先有英國企業延遞稅問題插一鑊，然後肺炎插多鑊，最後Northumbrian Water準許回報率降低再插多鑊，連中3箭。種種問題令到長建全年業績差到呀媽都唔認得！呢篇文會同大家討論下長建2020年嘅業績同埋睇吓有咩睇頭。 下圖係長建2019同2020年嘅業績，2020年上半年都預左差架啦，因為英國宣佈唔減企業稅，要重新計算遞延稅項負債之一次性支出，產生左14億非現金開支。所以上半年嘅業績已經可以話係差到冇得再差，下半年嘅表現就比較好啦，因為買咗野，整靚返盤數，但係我個人認為業績都係不似預期。 長江基建業績（2019-2020） (Source: 長江基建2020全年業績 ) 整體黎講202年下半年溢利54.67億，比2019年下半年高，主要因為賣左葡萄牙風電場，賺咗11億，減返嘅話得43.67億，同比溢利係少咗成6億。當然鉅仔總會搵到理由解釋，根據 2020投資者簡報 係咁講嘅： 長江基建投資者簡報2020 下半年仲有筆好大嘅非現金支出，就係UK Rail同澳洲EDL嘅4億折舊開支。另外由2020年4月開始Northumbrian Water實施新嘅水費規管，令到2020年全年收入少咗3億，咁計計埋埋條數就莖唔多啦。 2021年業績展望 相信2020年業績已經反映晒所有嘅壞消息，不過嚟緊2021年都要面對幾個問題 1. 上面提到2020年Northumbrian Water實施新嘅水費規管，令到全年溢利減少3億，呢個減少係持續性嘅，所以往後Northumbrian Water都係肯定會每年賺少2-3億。 2. 英國討論緊會喺2023年 加企業稅至25% ，長建大部分業務都係英國，相信一定有影響。 3. 又係2023年， 英國電力監管機構打算調低准許回報率由7%降到去4.4% ，呢個調整如果真係成事嘅話，對長建嚟講又係超大嘅打擊。 所以2021年我覺得會係長建盤數同股價都係比較靚嘅一年，2022年開始又要為 加企業稅 同減准許回報率憂心，可能又會有幾支滅世棍打落嚟。

大家都知道3月17號長建出咗 2020年全年業績 ，而我亦都係之前做過業績預測 https://10yearschannel.blogspot.com/2021/02/20201038.html 不過結果就有啲距離，所以喺呢度就做個小小嘅檢討，下次做預測要留意多啲唔同嘅變數。 首先，睇下預測同實際有幾大差別先 第一個誤判，長建今次將出售Iberwind嘅收益直接放左入電能同歐洲大陸嘅業務利潤到，而唔係單列出嚟，估計係想切靚少少條數。至於出售Iberwind嘅利潤大約有11億，其中有3億放左入電能度，8億放左入歐洲大陸業務度。姐係話電能唔計Iberwind嘅3億後，實際上下半年只係大約有11億溢利，比2019年下半年小1億。而歐洲大陸業務唔計Iberwind嘅8億後，實際上下半年有大約2億溢利，亦都係比2019年下半年小。 第二個誤判，難以預計嘅英國UK Rail同澳洲EDL嘅折舊開支共4億，令到英國同澳洲業務嘅行潤比預期低。 第三個誤判，新冠肺炎對加拿大Park N Fly嘅影響比預期高。 呢篇係自我檢討文，關於長建業績評論另文再表。

英國競爭及市場管理局公布水費最終調整，長建附屬Northumbrian Water水費調高3.7%至335英磅  先前都講過Northumbrian Water由2020年4月1日開始新監管期，準許回報率大減， Northumbrian Water嘅水費要減21%  ，而Northumbrian Water就呢個結果向英國競爭及市場管理局上訴，喺3月17號終於出左最終結果。 報告全文喺度 。 `關於Northumbrian Water水費的最終調整由Ofwat所定嘅323磅輕微調升3.7%至335磅。 除左水費調高之外，政府就達成各項指標嘅津貼亦都有提高，見下圖 整體嚟講，Northumbrian Water各項津貼金額比Ofwat嘅規定都提高咗4.3%。但由於原先Ofwat嘅水費規定喺2020年4月1號就開始實施，令到上年Northumbrian Water嘅表現相當之差，2021年落實咗CMA嘅調整後應該會有多3-4%嘅回報。而CMA亦都預計Northumbrian Water喺受規管業務嘅收入會多1.1億磅(3.7%) 不過，呢類資產就只係勝在回報穩定，唔會蝕錢，想賺大錢就好難啦。你見近排誠哥第三個仔都將呢啲基建資產賣俾長實，寧願揸返多啲長實嘅股票。面對住比以往更嚴厲嘅利潤管制，長建嘅股價睇怕都好難上返去60蚊。除非鉅仔真係將英國基建項目分割上市，或者有大deal，唔係嘅話長建嘅股價都好難有重估嘅機會。

英國電力監管機構打算調低准許回報率由7%降到去4.4% 諗住呢排廢老股有返小小起息，以為我長建嘅月供倉可以去返正數（利申：供左2年幾而家$48.59@4742），點知今日睇到呢單新聞，真係無語問蒼天！！ Link喺度 呢單新聞話英國電力監管機構Ofgem打算喺2023-2028年呢5年嘅規管期要求將電力公司嘅准許回報率由而家7%降到去4.4%，好明顯對有英國電力公司UK Power Network嘅長建同電能有影響啦，睇到呢單新聞之後真係心諗仆街！！ 我地又睇下對長建同電能有幾大嘅影響... 呢張圖係UK Power Network 2019年4月-2020年3月31號嘅業績 UK Power Network 係由長建（40%）、電能（40%）同李嘉誠基金會（20%）共同擁有，如果用返上圖UK Power Network嘅利潤黎估算，2020年長建應佔利潤係約2億磅（21.66億港幣）而長建又有35.96%嘅電能股權，姐係21.66億港幣x35.96%= 7.8億。UK Power Network總共貢獻長建29.46億港幣嘅利潤一年。 如果准許回報率降到去4.4%，姐係利潤會減少(4.4-7)/7=37.14%，喺業務冇大改變嘅情況下，29.46億港幣 x (1-37.14%) = 18.6憶。姐係每年長建會賺少10.86億港幣。當然呢個係粗略估算，我亦都唔知喺咪應該咁計，不過應該都89不離10，不過呢個計法冇考慮到長建每年喺UK Power Network嘅息收入。 睇都呢度已經估到長建嘅股價喺可見將來都預咗唔會有咩起息。但係又唔駛咁灰嘅，因為我都留意到UK Power Network有電動車充電服務。加上呢排好興嘅電動車狂潮，英國亦決定喺 2030年半數嘅車會轉成電動車 ，電動車最緊要係咩？就係電啦！相信UK Power Network呢方面應該會有所發揮。當然，市場受唔受落就冇人知啦，不過我估長建嘅股價又可以收皮一段時間，都唔知幾時先見到家鄉...

2020年長江基建(1038)業績預測 唔經唔覺又到左財報季，呢篇文章我打算講吓長建2020年全年業績嘅預測，大家都知長建上半年帳面盤數好肉酸，主要因為英國既企業稅維持不變，增加咗一筆過非現金嘅延遞稅開支，令到成個集團上半年賺小14億港元。跟住落嚟會同大家分享下我對建建下半年業績嘅預測。 首先,我哋要睇吓建建喺2019年同2020年上半年嘅業績先，為左方便大家睇，我簡單咁整咗個表。 (Source: 長建基建財報  2019 S1 ,  2019 FULL YEAR ,  2020 S1 ) 上面嘅資料喺喺建建財布入面搵出黎，當然未必完全準確，但喺應該都八九不離十。建建嘅業務相對簡單，財報都好清晰寫明各項業務嘅溢利，下面我會逐個業務講吓，同埋預測下建建2020年既業績。 電能實業 首先講吓電能，電能嘅資產除咗港燈之外，大部分都喺同長建共同投資，而長建喺2020年直接持有電能35.96%股權(7.67億股)，換句話講投資電能嘅收益絕大部分都體現喺電能嘅派息。喺2019年嘅時候，長建有38.01%既電能股權，而2019年1月10日長建公告 減持電能2.05%股權 ，所以2019年上半年電能嘅收益已經反映咗因為出售電能股權而導致嘅收益減少。而電能喺2019年上半年同下半年歸屬長建嘅溢利分別喺13.63億同12.01億。換句話講12-13億可以話係基數。而2020年上半年電能貢獻咗8.13億溢利俾長建，點解會小咁多呢？喺 2020年中期業績 入面係咁解釋嘅： 溢利貢獻下跌之主因與長江基建類同，包括： (i) 英國業務重新計算遞延稅項負債之一次性支出； (ii) 集團於二零一九年出售電能實業權益所錄得收益入賬；以及 (iii) 2019 新型冠狀病毒帶來之影響。 咁究竟以上嘅解釋影響到幾多溢利呢？首先，英國業務重新計算遞延稅項負債之一次性支出的確係一個好大嘅影響，電能喺2020年5月6日出 公告 ： 英國政府建議自2020年4月1日起適用的企業稅稅率將維持為19%，而非如先前根據英國2016年金融法所頒佈自2020年4月1日起降低至17%。本集團預期將於其截至2020年6月30日止六個月之綜合財務報表中攤佔合營公司及聯營公司的業績而錄得約港幣八億元之一次性不利影響。 由於長建持有電能35.96%股權，所以對長建的貢獻會減少大約2億8千7百...

長江基建及電能實業收購加拿大Okanagan Wind項目 長建喺2021年2月5號終於有新嘅收購公佈，距離上一次成功收購已經有4年冇任何動作啦，相信各位股東等到頸都長。自從長建冇新收購動作開始，市場對長建嘅潛在收購溢價開始消失，長建嘅股價就開始「妹下妹下」陰啲陰啲咁趺，再加上疲情嘅影響，相信唔小長期Fans都蝕入肉。而我都唔例外，我喺2018年12月開始月供長建，到依家都仲供緊，但喺均價就真不要再說了。一直覺得會有新嘅收購，點知等下一年等下又一年都重係冇動靜。終於等到佢有新收購，開心在一陣，諗住等左3年應該有deal啦，點知原來原來只喺細翳嘢。平時買開幾百蚊嘅玩具，今次等左4年竟然喺買幾蚊既玩具...... 收購詳情 跟住一齊同大家睇下呢單購先， 喺2021年2月5日長江基建集團(01038-HK)及電能實業(00006-HK)全資擁有之Canadian Power Holdings Inc.公布，已就收購加拿大Okanagan Wind項目訂立協議。收購總代價包括：基本收購代價約港幣3億2千萬元(約5千3百3十萬加元)、交易費用及於交易完成時向賣家支付之若干調整金額，與及承擔項目之第三方債務代價。Okanagan Wind年期至2057年之供電合同可提供長期穩定收入，加上AAA公用事業評級，是次收購之總代價與加拿大可再生能源市場之同類交易相若。Okanagan Wind於加拿大英屬哥倫比亞省擁兩個風電場，分別是Pennask風電場及Shinish Creek風電場，合計組裝機容量為30兆瓦。 呢單收購長建同電能各佔50%，總代價喺3億2千萬元港元，姐喺2間公司各自出資1億5千萬港元。對一年有百億利潤嘅長建嚟講簡直喺九牛一毛。咁究竟呢個收購對長建既盈收有咩影響呢？咁就要睇下Okanagan Wind究竟每年有幾多收益啦。 根據電能實業喺2021年2月5日發出嘅公告「關連交易 – 有關一間主要合營公司進行收購之財務支援及收購支援」入面有講到Okanagan Wind嘅財務狀況 (Source： https://www.powerassets.com/zh/InvestorRelations/InvestorRelations_GLNCS/Documents/C_20210205_Announcement_CPHI.pdf ) 我成日都唔明點解呢啲公告...