長江基建及電能實業收購加拿大Okanagan Wind項目

長建喺2021年2月5號終於有新嘅收購公佈，距離上一次成功收購已經有4年冇任何動作啦，相信各位股東等到頸都長。自從長建冇新收購動作開始，市場對長建嘅潛在收購溢價開始消失，長建嘅股價就開始「妹下妹下」陰啲陰啲咁趺，再加上疲情嘅影響，相信唔小長期Fans都蝕入肉。而我都唔例外，我喺2018年12月開始月供長建，到依家都仲供緊，但喺均價就真不要再說了。一直覺得會有新嘅收購，點知等下一年等下又一年都重係冇動靜。終於等到佢有新收購，開心在一陣，諗住等左3年應該有deal啦，點知原來原來只喺細翳嘢。平時買開幾百蚊嘅玩具，今次等左4年竟然喺買幾蚊既玩具......

收購詳情

跟住一齊同大家睇下呢單購先，

喺2021年2月5日長江基建集團(01038-HK)及電能實業(00006-HK)全資擁有之Canadian Power Holdings Inc.公布，已就收購加拿大Okanagan Wind項目訂立協議。收購總代價包括：基本收購代價約港幣3億2千萬元(約5千3百3十萬加元)、交易費用及於交易完成時向賣家支付之若干調整金額，與及承擔項目之第三方債務代價。Okanagan Wind年期至2057年之供電合同可提供長期穩定收入，加上AAA公用事業評級，是次收購之總代價與加拿大可再生能源市場之同類交易相若。Okanagan Wind於加拿大英屬哥倫比亞省擁兩個風電場，分別是Pennask風電場及Shinish Creek風電場，合計組裝機容量為30兆瓦。

呢單收購長建同電能各佔50%，總代價喺3億2千萬元港元，姐喺2間公司各自出資1億5千萬港元。對一年有百億利潤嘅長建嚟講簡直喺九牛一毛。咁究竟呢個收購對長建既盈收有咩影響呢？咁就要睇下Okanagan Wind究竟每年有幾多收益啦。

根據電能實業喺2021年2月5日發出嘅公告「關連交易 – 有關一間主要合營公司進行收購之財務支援及收購支援」入面有講到Okanagan Wind嘅財務狀況

(Source：https://www.powerassets.com/zh/InvestorRelations/InvestorRelations_GLNCS/Documents/C_20210205_Announcement_CPHI.pdf)

我成日都唔明點解呢啲公告係都要用文字一段咁寫出嚟，明明用圖表表達會清晰好多，就好似咁：

就已知嘅數據嚟講，Okanagan Wind呢間公司1年都只係賺緊200幾萬港幣，而長建只佔50%，姐喺收購完之後1年可以賺多百零萬，換句話講每股嘅利潤只喺多左0.054港元。而呢項收月購嘅回報率亦都相當低，用3億2千萬萬收購一間每年賺2百幾萬嘅公司，回報率只有0.89%。呢個估計方法未計算通脹，因為Okanagan Wind同政府簽嘅合同喺與通脹掛鉤的購電協議。

只能夠講呢單收購勝在業務夠穩定，基本上喺唔會蝕錢嘅生意，因為同加拿大政府重有37年既合約。呢單收購只能令人聯想到之前賣咗葡萄牙嘅風力發電場，而家求其買返個風力發電場交貨。

前景

當然啦，樂觀嚟睇你都可以話長建可能之後對加拿大風力發電有可能有更大的投資。根據Canadian Wind Energy Association嘅資料，喺2019年成個加拿大風力發電的總量喺13,413兆瓦，而今次長基收購嘅Okanagan Wind嘅合計組裝機容量喺30兆瓦，只佔成個加拿大嘅0.22%。

(Source：https://canwea.ca/wind-energy/installed-capacity/)

亦都唔排除Okanagan Wind喺收購後會有內部增長，例如加裝發電機組，開拓其他業務等等，但喺咁細嘅風電場發展始終有限。咁當然希望長建會有其他嘅收購啦，始終咁細嘅收購唔似大公子嘅性格。

今次同大家分享到呢到，歡迎各位留言俾意見我同埋一齊討論下。